للبيع جيب نيسان سفاري باترول 98

بسم الله الرحمن الرحيم

السﻻم عليكم ورحمة الله وبركاته

حاب أعرض لكم جيب نيسان سفاري باترول

اللون عشبي وتحت ذهبي والموديل 98 فل كامل

نوع القير عايدي العداد 450 وفوق ما أذكر بالضبط

الموتر شد بلد إﻻ في شغلتين: 1/ فيه سمكره ورشه بين باب السواق والراكب

و 2/ كان قير اوتوماتيك وخبط 3 مرات خﻻل شهرين وبدلته قير عايدي والحمدلله ارتحت

الموتر امس مدخله تصفيه وفحصته ومافيه إﻻ جلد مقص خلفي يسار والتصفيه جاري تصليحها هاليومين

يعني الموتر جاهز ﻷي شيء تبيه ..........

الموتر اللي مايعرف مواصفاته ( فتحه + دف لوك + مكيف أمامي + مكيف خلفي + ثﻻجه تحت التكايه + مثبت سرعه + تحكم في بعض الشغﻻت عن طريق الدركسون + قزاز كهرب + كراسي أماميه كلها تحكمها كهرب )

المراتب تنجيد جديد ماعدا المرتبه اﻷخيره لكن المرتبه موجوده عندي ، الطبلون عليه تلبيسه تحميه من أشعة الشمس علما ان الموتر مايوقف كثير في الشمس ، المكيف بارد اﻷمامي والخلفي والثﻻجه ولله الحمد....

الموتر ثقيل ماهوب ملعوب فيه أبد واللي بيشتريه يفحص

هناك أغراض تخص الجيب مثل سله علويه اللي إرتفاعها 5سم وتانكي ماء 100 لتر من برق الحيا وبداخله 3 حواجز لكي تخفف من لعب الماء في التانكي وأيضا ملبس تلبيسه محترمه وفيها جرابين بسحاباتها للي يرغب اﻷغراض مع الجيب لها سعرها لحالها واللي مايبيها زبونها جاهز ﻻتشيلون همها .......

السياره عليها كفرات نوع بالون بريزا أبو جمل والحمدلله مايرج وﻻ شيء ورازه الموتر ...

اللي له رغبه وجاد حياه بسومته هنا والموتر له سوامه لكن الصمله ماهيب ذيك والسومه اللي عليها الكﻻم من رجال فحص وسام قبل تغيير السيور كلها والبواجي وأسﻻكها سام الموتر 31 الف والكل يسوم بخراجه فلوسكم عندكم وموتري إذا ماجاب قيمته اللي يستاهلها يبقى عند راعيه اللي تكلف وعدل كل شيء فيه

اللي يعرف ينزل الصور يراسلني على الواتساب 0533323230

هذا وأسأل الله لي ولكم التوفيق والخيره...

via منتديات مكشات http://www.mekshat.com/vb/showthread.php?t=602174&goto=newpost