باب ثلاجة ويكو يقبل 20 ليتر اضافي للتبريد ارائكم يا اخوان
ياخوان اعاني من مشكلة بسيطه اثناء الرحلات وخصوصا مع التبريد والتثليج
الجميع يعلم ان اثناء اي رحله لابد تاخذ معك اما لحيمات لحم يعني او دجيجات دجاج يعني او طيور المهم ان يكون في ثلاجة السياره وخصوصا للرحلات الطويله 5 ايام واكثر شي من المؤونه
في هذه الحاله تحتاج ان لا تقل درجة حرارة الثلاجه في اسوء تقدير عن 2 تحت الصفر لكي لا يموع اللحم ويخرب
واما باقي الاغراض مثل المؤونه كالخضار والفواكه والمشروبات ونحوه اذا استمرت في الثلاجه لمدة اكثر من يوم فقد تجمد
ولا تصلح بعدها للاستخدام بحكم ان الثلاجه قسم الفليزر بارد جدا وانت تبيه يحتفظ باللحمه لا تخور او تخيس وقسم التبريد يعتبر صغير مع ان ثلاجتي مقاسها 50 ليتر
ولكن قسم التبريد صغير جدا
المهم هو ان هناك تعارض مابين الموازنه بين تجميد اللحم او الحفاظ على الخضار والزبادي والمشروبات من ان تثلج
بعدما بحثت بالنت لقيت مثل الغطاء مخصص للثلاجه ويقبل اضافة 20 ليتر زياده للاعلى والثلاجه تكون تحت والتبريد في الاعلى وهذا يعطي مساحه جيده لقسم التبريد وتاخذ راحتك فيها مع العلم يجي معه تقسيمه للاغراض وتقدر تفتح الثلاجه من فوق وقسم الفليزر من تحت يعني الفليزر ماراح يكون دايما مفتوح مثل غطا الوكاله على طول تفتح يطلع لك الفليزر
فما هو قولكم يا اخوان وماهي ارائكم حول هذا المنتج وهل تجدون انه مناسب من ناحيه فنيه للثلاجه وماهي العيوب الي تشوفونها وهذي صوره للمنتج طبعا مايركب الا على الويكو 50 ليتر وال60 ليتر
مواصفاته في الصور كالتالي
السعر بحدود 1200 ريال تقريبا بدون شحن لانه من برى
صورته
وشكرا لكم
via منتديات مكشات http://www.mekshat.com/vb/showthread.php?t=601230&goto=newpost
Aucun commentaire:
Enregistrer un commentaire